-
الطهر أحلى
الطهر أحلى
http://forum.te3p.com/images/images_...b68380a4f5.png
طاحت الدنيا قبل طيحة دموعي من عيوني
ولايم دموع المفارق بلملامح حق وولى
لاتلوموني على دموعي ولا تستضعفوني
ادري ان الدمع غالي لاكن الغياب اغلى
فان لمحتوني سرحت وغبت عنكم نبهوني
واشغلوني في تفاصيل السوالف يمكن اسلى
الجفا حطم عزومي والسهر والف جفوني
والصبر بيت يضج بحزن كهل ونوح ثكلى
فاتنة شعري وبنت احساسي وشيخة لحوني
ليت دورات الليالي مثلها سمحا وخجلى
سامح الله ذنبها راحت وخلتني بدوني
فقدها بلوى وشر وذكرها الشر وابلى
اتذكرها والوم الحظ واعاتب ظنوني
اه يالولا الظروف وآه من قولتي لولا
يرتفع سوق العذارى بلحلا ويطيح دوني
لولهن رزة قوام وعنق ريم وعين نجلا
من يعوض فارعة عقلي ومياسة جنوني
ومن يبدل ويتجاوز سقفي العالي بلاعلى
يكفي انها ماتشابه غيرها تشبه طعوني
ماهي بحلوه ولاكن طاهره والطهر احلى
ودام ربي خالق دموعي لاجل تبكي عيوني
والله اني في دموعي لاحزنت احق وولى
:t010: