مفيش حاجه اتغيرت..
مفيش حاجه اتغيرت يا مصري

يا أبو دم خفيف

مفيش حاجه اطورت ولا اتنورت

ولا تحضرت من بعد عهد نظيف

مفيش حاجه تقول حاجه

وكل الناس محتاجه

وان سألت الناس عن حاجه

يقولك مفيش حاجه

تقول ثورة ..مفيش حاجه

تقول نهضة ...مفيش حاجه

تسأل عن عداله اجتماعية

ولا حتي حوالة بنكية ..مفيش حاجه

الي بقولك كنا رمان عيشين في أمان

وصحيح مكنشي في حاجه

والحاجه خليتنا نعمل حاجه بس

ياريتها عادت علينا بحاجه

طب أي حاجه نحس بيها

والله مش هنداريها ...

وهنقول دي أجمل حاجه

شبعنا كلام من الدول الصديقه

وتعبنا كثير عشان نفهم الدوله العميقه

ولا حد مد ايديه ..والكل رفصنا برجليه

والدوله العميقه طلعت مش عميقه

وكل يوم نسمع حاجه

واحنا ول احن فاهمين أي حاجه

جه برلمان .........ولا حاجه

راح برلمان ........مفيش حاجه

راح رئيس .....مفيش حاجه

جه رئيس ......مفيش حاجه

والحاجه ..هي ..هي ..هي الحاجه

ومفيش حاجه تقول حاجه

وكل الناس محتاجه

وان سألت الناس عن حاجه

يقولك ..يقولك ....مفيش حاجه

.....مفيش حاجه .................


الموضوع الأساسي: مفيش حاجه اتغيرت..
المصدر: منتديات تعب قلبي
المصدر: Forums


ltda ph[i hjydvj>>