الــمـزيـونــه
طـمـوحـاتــي كــبـيـرة وخـيـالـي واسـع
واتخيل حاجة من افكاري واســتـنـتـجها

وانـا لا نـيــب مــهــاجـــم ولا مــدافع
الـيـا ضـاقـت عـلـيـه قـلـت الله يـفـرجها

و لو تـعـثـرت انـا فـي بـعـض الـمـراجع
احاول اضـغـط على نفسي واسـتـدرجها

الاحـجـار الـكـريــمــة وغــيــر الـتـوابع
انا خابرها واعرف وشـلون اسـتخرجها

الـكــلـمـة تـنـاديـنـي واجــي لـهـا طـايع
بالـديـبـاج اطـرزها وبـالـحـريـر انسجها

ولو لامـتـنـي الـعـرب فـي كـل الـمـواقع
مـسـتـعـد انــا بـكــلـمـة وحــدة احـرجها

على اللي شفتها في السوق عـند البائع
تـاخـذ وتـعـطـي معه في سلعة مـنـتـجها

مـزيــونــه وكــل مـا فــيــهــا يــتــلامع
الـجـمـال الـيـوســفـي والــحــلا مـازجها

ولـو لـي قـلب صاطي مثل سـيف قـاطع
لاقــابــلــهــا وجــة لــــوجــة واهــرجها

مـسـتـعـد اضـحـي بالاسـهـم والــودايع
في سـبيـل ارضـي غـرورهـا واتـزوجها


رقم " 106 " في 12/04/1434هـ

المصدر: Forums

hgJJlJ.dJ,kJJi