لا تـنـدهـــش

لا تـنـدهـش فيما كـتـبـتـه لكم يا اسمر اللـون
اقــرأ بــصـمـت ولا تــهــمــك انـواع الـكـتـابه

وشـعاد لو غيروا مـسـمى ديـوان بن لـعـبون
لا غـريـبـه فــي الامــر يا ســيـدي ولا غـرابه

وشلون تجحــد محبك يا حبيبي قـلي وشلون
في ظرف ساعـة صكيت من دونه بـابك وبابه

لـيـتـك تعلمني الاســباب يا خـلـي ولا تـهـون
تـرى مـحـبـك لازال يـنــتــظــر مــنـك الاجـابه

شـرينا كـل الحـلـي النادره ودفـعــنا عـربـون
وغــشــنـا تـاجــرِ مــعـروف والـلـه واسـفـابه

بنك الجـزيـرة غـدا للبـنـك البريـطاني مـديون
باسباب رقـم مسجل بالـخـطـأ وضـيع حـسـابه

الـكـل يـفـسر على كـيـفه ويـقـول ما يقـولون
والفرق واضح بين انغام الموسـيقى والـربابه

الفتحه والكسرة تختلف عن الضمه والسكون
ولـو تـشـابـه مـعـانـيـهـا الـبـصـمـه ما تـشابه

رزق الـمـخـالـيـق عـنـد واحـد مـدبـر الـكـون
واي مـكـسـب يـجـيـنـا مـن وراكـم مــا لـنـا به


رقم " 107 " في 15/04/1434هـ

المصدر: Forums

gh jJkJ]iJJJa